bakit nang-iindyan ang lider kong kinikilala
kanina'y ayos lang pumunta ako sa kanila
upang mapag-usapan ang mga isyu't problema
bakit ba biglang nang-indyan ang lider kong kilala
nais ko lang namang tuparin ang napag-usapan
kung di pala tuloy, bakit di ako sinabihan
kanina, sabi niya'y "sige", aking pinuntahan
at nang nasa lugar na ako, siya'y wala naman
tineks ko siya't tinawagan, sarado ang selpon
kahit sa messenger sa fb, wala siyang tugon
siya'y lider kong kinikilala, noon at ngayon
tumutupad sa usapan, tila ako'y nakahon
sayang ang pamasahe, panahon ko't ipinunta
subalit dapat tuparin ang usapan kanina
sana kung ako'y nasabihan niya ng maaga
di sana tumuloy nang panaho'y di naaksaya
magaling siyang lider, ako sa kanya'y saludo
kahit mga salita'y pinapako pala nito
mahusay siyang lider, sadyang tapat at totoo
kahit salita'y pinako tulad ng pulitiko
- gregbituinjr.
Mag-subscribe sa:
I-post ang Mga Komento (Atom)
Inumin ng tibak na Spartan
INUMIN NG TIBAK NA SPARTAN tsaang bawang, luya at malunggay ang kadalasan kong tinatagay layon kong katawan ay tumibay kalamnan ay palakasin...
-
GURO AT MAESTRO tila may gender ang kaibahan ng guro't maestro, kainaman nang makita sa palaisipan bagamat dapat ay wala naman walang ge... -
DALAWANG AKLAT NA PUMAPAKSA SA KALUSUGAN Maikling sanaysay at tula ni Gregorio V. Bituin Jr. Pagkagaling ko sa ospital kanina nang dinalaw k... -
FREE! FREE PALESTINE! "Mula ilog hanggang dagat lalaya rin ang Palestine!" panawagan itong sukat niyong laya ang mithiin ang lupa...
Walang komento:
Mag-post ng isang Komento