patuloy pa rin habang naglalampaso ng sahig
yaong pagkatha ng mga salitang nagniniig
nasa isip kung anong namumutawi sa bibig
habang inaayos ang taludtod, saknong at pantig
tula'y nalikha habang sahig ay pinakikintab
habang naglalampaso yaring puso'y nag-aalab
sa kawalang hustisya, damdamin ay nagliliyab
kaya ang isinasatitik ay naglalagablab
maya-maya, ang basahan ay aking pipigain
at sa paglampaso ng sahig ay muling gamitin
pakintabin ang sahig na pwede kang manalamin
habang kuro-kuro sa isip ay tahi-tahiin
sa paglampaso'y may dapat ka ring sunding sistema
upang di mahirapan at agad makatapos ka
ituloy mo ang pagkatha habang nagpapahinga
at nilampaso mong katha'y iyong mapapaganda
- gregbituinjr.
Mag-subscribe sa:
I-post ang Mga Komento (Atom)
Unang araw ng Nobyembre, 2025
UNANG ARAW NG NOBYEMBRE, 2025 ngayon ang Unang Araw ng Nobyembre inyo bang ramdam kung may nangyayari? wala pang nakukulong na salbahe kurap...
-
DALAWANG AKLAT NA PUMAPAKSA SA KALUSUGAN Maikling sanaysay at tula ni Gregorio V. Bituin Jr. Pagkagaling ko sa ospital kanina nang dinalaw k... -
GURO AT MAESTRO tila may gender ang kaibahan ng guro't maestro, kainaman nang makita sa palaisipan bagamat dapat ay wala naman walang ge... -
FREE! FREE PALESTINE! "Mula ilog hanggang dagat lalaya rin ang Palestine!" panawagan itong sukat niyong laya ang mithiin ang lupa...
Walang komento:
Mag-post ng isang Komento