Ngayong April Fool's Day
Nawala na ba ang mga gimik na pagbibiro
Gayong April Fool's Day, manloloko'y tila naglaho
Ah, marahil dahil sa COVID, sila'y nasiphayo
Yamang nasa bahay lang at biro'y di mailako
O nagkasakit, huwag sana, ang mga damuho!
Nawa'y walang magkasakit, April Fool's Day man ngayon
Gawin muna'y mabuti kahit wala pang malamon
Ang pagbibiro namang ito'y may tamang panahon
Para iba'y patawanin at sumaya maghapon
Relaks lang, mayroon pa namang susunod na taon
Ipagpaliban na muna habang nasa quarantine
Lilipas ang April Fool's Day, ang masa'y tatawa rin
Fill in the blanks, ano kayang lunas sa COVID-19
Oo, kailangan ng masa'y mass testing ngayon din
O social distancing muna kung walang gamot pa rin
Ligalig ang bayan, di pa tayo makabungisngis
Sana kung magbibiro'y di birong nakakainis
Dapat muna sa ngayon ay mga birong malinis
April Fool, wala munang lokohan ngayong may krisis
Yamang araw na ito sa iba'y di naman labis
- gregbituinjr.
04.01.2020
When a comrade asked, "Leonidas, are you here to take such a hazardous risk with so few men against so many?" Leonidas replied: "If you men think that I rely on numbers, then all Greece is not sufficient, for it is but a small fraction of their numbers; but if on men's valor, then this number will do."
Mag-subscribe sa:
I-post ang Mga Komento (Atom)
Ang esensya ng buhay
ANG ESENSYA NG BUHAY anong esensya ng buhay? / bakit ako aktibista? ang pagpapayaman nga ba / sa buhay itong esensya? maging makapangyarihan...
![](https://blogger.googleusercontent.com/img/b/R29vZ2xl/AVvXsEjOQCCcsMHgdlu7qVvrz4Aqf8eFvVhIfuUfvcuH06ZJvvcf94Dr6D7Au7IOVFILUjdbMptb56-EJPGfrPhhJ5X09RxyZdnN8zcoJXl7BzF4z0a8zyWnucmEt-gk2hGwKGjwibAATNtq9p5w078JcSsr96ApfG1kgoJuCoGKE1uqcld3OQbLvxmiAsEMxBs/w460-h640/ang%20esensya%20ng%20buhay.png)
-
PAGNINILAY patuloy pa rin ang pagninilay sa harap ng damang dusa't lumbay sa mga problema ba'y bibigay? o tatayo't lulutasing tu...
-
Pinakapahinga ko sa trabaho ang pagtula pinakapahinga ko sa trabaho ang pagtula sa maghapong paggawa'y pahinga na ang pagkatha magninila...
-
DI MAKAPUNTA SA BARAPTASAN iniiyakan ng loob kong di makararating sa BaRapTasan sa Luneta, ikatlo ng hapon sapagkat madaling araw pa lam...
Walang komento:
Mag-post ng isang Komento