dapat ay katapusan na ng kwarantina ngayon
petsa Abril a-trenta, nagbago na't may ekstensyon
petsa Mayo a-kinse ang bago nilang suhestyon
kalahating buwan pang kulong sa bahay maghapon
bisperas pa naman ngayon ng Araw ng Paggawa
ng pandaigdigang araw ng uring manggagawa
kahit nasa lockdown man, magdiriwang sa gunita
bukas, alalahanin ang proletaryong dakila
may ekstensyon man, tuloy ang gampanin at pagkilos
sa anumang paraan, gawa'y nilulubos-lubos
na mabago pa rin ang sistemang mapambusabos
at mapagkaisa ang manggagawang dukhang kapos
katapusan na ng buwan, anong nababanaag?
may bagong pag-asa ba o buhay pa rin ay hungkag?
"flatten the curve", sana kurba'y tuluyan nang mapatag
upang madamang ang kalooban na'y pumanatag
- gregbituinjr.
04.30.2020
Walang komento:
Mag-post ng isang Komento