tunay ngang matematika'y pandaigdigang wika
ekwasyon ay unawa na sa maraming salita
sa wikang Ingles, Intsik, Hapon, Arabo, Kastila
maging ikaw ay taga-New York o taga-Maynila
ang Pythagorean theorem ay pare-pareho
at geometriya ni Euclid saanman sa mundo
sa anumang wika'y tiyak maisusulat ito
unawa ang plus, minus, multiply, ibang simbolo
ang ekwasyon ni Einstein hinggil ss relatibidad
ang Fermat's last theorem, matagal man, lutas agad
ang algoritmo, logaritmo't ibang abilidad
trigonometriya't calculus nga'y wikang nilantad
matematika'y gamitin natin sa makatwiran
at pangkomunikasyon sa iba't ibang larangan
gamitin din ito upang mabago ang lipunan
nang mawala ang pagsasamantala't kaapihan
- gregbituinjr.
Walang komento:
Mag-post ng isang Komento