pangdalawampu't anim na taong anibersaryo
nang ganap kong niyakap ang sinumpaang prinsipyo
na ipaglaban ang isang lipunang makatao
na para sa adhika, buhay ay isakripisyo
ako'y aktibistang may adhika't paninindigan
upang kamtin ng bayan ang hustisyang panlipunan
upang maggalangan ang bawat nating mamamayan
karapatang pantao't dignidad ay ipaglaban
kaya ngayon ay naritong payapang nagninilay
ninanamnam, anong lasa ng esensya ng buhay
puspusang nakikibaka't may simpleng pamumuhay
sa rebolusyong yakap ko'y buhay ang inaalay
kaya sa aking pangdalawampu't anim na taon
ng pagiging kasapi ng bunying organisasyon
naririto pa ring kumikilos para sa layon
hanggang mamatay na tutupdin ang inangking misyon
- gregbituinjr.
08.17.2020
Mag-subscribe sa:
I-post ang Mga Komento (Atom)
DALIT laban sa pesticide gas
DALIT laban sa pesticide gas Gaano kasiraulo ang mga gumawâ nito? Yaong pabor sa negosyo pinesticide gas ang tao! Sa World War I ay ...
-
SA 4TH BLACK FRIDAY PROTEST NG 2026 nagpapatuloy ang Black Friday Protest sapagkat ayaw natin ng Just-Tiis laban sa korap at mapagmalabis ... -
Sa pumasang 5,594 sa bar exam, KATARUNGAN KAYA'Y MAKAKAMIT NA? "At ang hustisya ay para lang sa mayaman..." - mula sa awiting ... -
KAHAPON di ko na sila naabutan leyt ko na kasi nabatid subalit aking sinubukan ang pagmamadali'y di lingid apat na sakay ang inabot tray...
Walang komento:
Mag-post ng isang Komento