Naggupit ng kuko si misis
aba'y di nakatiis
ginupit na ni misis
ang kuko kong matulis
kaya ito'y luminis
ganyan ang mapagmahal
sadyang ikararangal
pag ganito'y dumatal
relasyon ay tatagal
ang paggupit ng kuko'y
pagsuyo ngang totoo
lalo't gagawa nito'y
tinatangi't sinta mo
kukong dating mahaba
ay luminis ngang sadya
kaya nagmamakata
ang tulad kong tulala
- gregoriovbituinjr.
Walang komento:
Mag-post ng isang Komento