Miyerkules, Marso 31, 2021

Paskil sa isang dyip

PASKIL SA ISANG DYIP

sa unahan ng dyip sumakay ako
nang mapansin ang ipinaskil dito
"Walang lunas sa taong inggitero"
aba'y kaytindi ng hugot na ito

kaya nilitratuhan ko na lamang
paalala sa mga salanggapang
paalala rin sa tuso't gahaman
inggitero'y kapatid daw ng swapang

makuntento kung anong meron ka
at huwag nang kainggitan ang iba
walang lunas sa inggit, paalala
at kaygandang payo sa isa't isa

- gregoriovbituinjr.

* litratong kuha ng makatang gala habang nakasakay sa isang dyip

Walang komento:

Mag-post ng isang Komento

Pahimakas kay kasamang Rod

PAHIMAKAS KAY KASAMANG ROD (binigkas ng makatang gala sa pugay-parangal) sa iyo, kasama, pagpupugay sa pagpapatibay mo ng hanay sa adhikaing...