PAGTINDIG SA WASTO
naririto pa rin kami, tumitindig sa wasto
kaming mga aktibista'y naninindigang totoo
ayaw maging bulag sa nangyayari sa bayan ko
ilalantad anong mali upang ito'y mabago
ayaw naming sumama sa nagbubulag-bulagan
na hinahayaang mayurakan ang karapatan
ng kapwa tao, tila kasabwat sa pamamaslang
kahit walang due process, tuwang-tuwa sa patayan
kaming ayaw ipamigay sa dayuhan ang bansa
habang pamahalaang ito'y palamarang sadya
ang Tsina'y taospusong niyakap, di na nahiya
nais nating ipagtanggol ang tinubuang lupa
tumitindig kami laban sa kontraktwalisasyon
at nilalabanan ang mga bantang demolisyon
panlipunang hustisya'y pangarap para sa nasyon
karapatang pantao'y igalang, sinuman iyon
tumitindig kami sa tama, may prinsipyong tangan
at nakikiisa sa mamamayang lumalaban
para sa katarungan, karapatan, kagalingan
dapat nang kalusin ang pagmamalabis sa bayan
- gregoriovbituinjr.
08.09.2021
* litratong kuha mula sa isang bidyo sa pahina ng isang "tarantadong kalbo" sa fb
When a comrade asked, "Leonidas, are you here to take such a hazardous risk with so few men against so many?" Leonidas replied: "If you men think that I rely on numbers, then all Greece is not sufficient, for it is but a small fraction of their numbers; but if on men's valor, then this number will do."
Lunes, Agosto 9, 2021
Mag-subscribe sa:
I-post ang Mga Komento (Atom)
Mangingisda na nawala o mangingisdang nawala?
MANGINGISDA NA NAWALA O MANGINGISDANG NAWALA? para bang kompyuter o kaya'y google ang nagsalin kaya di mahusay ang gramatika pag suriin ...
-
PAGNINILAY patuloy pa rin ang pagninilay sa harap ng damang dusa't lumbay sa mga problema ba'y bibigay? o tatayo't lulutasing tu...
-
DI MAKAPUNTA SA BARAPTASAN iniiyakan ng loob kong di makararating sa BaRapTasan sa Luneta, ikatlo ng hapon sapagkat madaling araw pa lam...
-
Pinakapahinga ko sa trabaho ang pagtula pinakapahinga ko sa trabaho ang pagtula sa maghapong paggawa'y pahinga na ang pagkatha magninila...
Walang komento:
Mag-post ng isang Komento