Lunes, Enero 17, 2022

Payo sa sarili

PAYO SA SARILI

humahakbang papalayo
saan kaya patutungo
dukha man at walang luho
ay huwag kang masiphayo

puno'y inaalagaan
ng mabuting kalikasan
arugain natin naman
ang ating kapaligiran

saan man tayo magpunta
ay isiping mahalaga
magpakatao tuwina
alalahanin ang kapwa

walang pag-aatubili
na huwag maisantabi
ang mga gawang mabuti
sa kapwa, di pangsarili

- gregoriovbituinjr.
01.17.2022

Walang komento:

Mag-post ng isang Komento

Sa kabila ng lahat

SA KABILA NG LAHAT sa kabila ng lahat, patuloy pa ring kikilos upang sa trapo't sistemang bulok makipagtuos sa kabila ng lahat, patuloy ...