SELFIE
noon, aayaw-ayaw mag-selfie
pagkat di raw kasi mapakali
bakit ngayon ay paselfie-selfie?
gwapo na ba'ng tingin sa sarili
kung ano-ano na'y naiisip
buti't hininga'y di nagsisikip
may problema kayang halukipkip?
o sa mundo'y tila naiinip?
o baka naroon lang sa lungga?
ginagawa'y lagi nang kumatha
ang pluma'y nagkakalat ng dagta
sa papel ng sangkaterbang tula
o isa lang itong kabaliwan
ng isang makatang di uliran
hinahagilap lagi kung saan
ang mga katagang di malaman
aba'y mayroon na kasing selpon
may kamera na sa loob niyon
nire-record ko lang ang kahapon
at baka ubanin na paglaon
nagkakataon lang may kasama
sa likod, may advertisement pala
noon nga'y bihirang magpakuha
at ngayon na lang nang may kamera
- gregoriovbituinjr.
01.27.2022
Walang komento:
Mag-post ng isang Komento