Bawal umihi dito

BAWAL UMIHI DITO

"Bawal umihi dito!"

ayon sa karatula

multa'y sanlibong piso

baka matulala ka

kung ikaw ay maysakit

dapat alam kung saan

iihi lalo't sirit

sa pantalon na naman

pader kasi'y papalot

o sa ihi papanghi

kaya di tinutulot

na sa pader umihi

kung di mo na matiis

sasabog na ang pantog

umihi ng mabilis

kung mahuli ka'y durog

huwag ka lang pahuli

lalo't salbaheng mama

pag-ihi'y di na libre

sa multa'y matulala

- gregoriovbituinjr.

02.17.2022