WALDEN KINA BABY MARCOS AT BABY DUTERTE
tinawag ni Walden Bello sa paraang masiste
ang mga umano'y takot dumalo sa debate
binanggit sina Baby Marcos at Baby Duterte
na magtutuloy sa neoliberal na diskarte
una nilang debate sa pagka-Bise Pangulo
"Sara is a coward" yaong banat ni Walden Bello
pagkat wala sa debate si Sara, di dumalo
kaya natawag pa niyang Baby Duterte ito
kaytindi ng dating sa madla ng kanyang tinuran
nakayanig sa masa ang gayong katotohanan
mga trapo't dinastiya'y kanya pang inupakan
nadama natin ang tapat niyang paninindigan
si Walden Bello, kandidato ng dukha't paggawa
propesor, kritiko, maalam sa maraming paksa
na may samutsaring librong pawang kanyang inakda
at nararapat maging Bise Pangulo ng bansa
- gregoriovbituinjr.
03.06.2022
* litratong kuha ng makatang gala sa isang forum
Walang komento:
Mag-post ng isang Komento