TALUMPATI
madalas tayong makinig sa talumpati
ng ating magigiting na lider ng masa
binabanggit bakit dukha'y namimighati
bakit may nang-aapi't nagsasamantala
ipinaliliwanag pati isyu't mithi
bakit babaguhin ang bulok na sistema
salamat sa kanilang ibinabahagi
upang masa'y magkaisa't maorganisa
- gregoriovbituinjr.
12.06.2022
Walang komento:
Mag-post ng isang Komento