Linggo, Abril 30, 2023

Ang luto ni misis

ANG LUTO NI MISIS

anong sarap ng luto ni misis
na ginisang hipon at kamatis
kapara'y pagsintang anong tamis

kaya aking gutom ay natanggal
sa buong maghapon ay tumagal
tanda ng totoong pagmamahal

tila ako'y nasa alapaap
ng aking mga pinapangarap
na buhay na'y di aandap-andap

ika nga, busugin mo ang sinta
alamin mo ang kanyang panlasa't
tatagal ang inyong pagsasama

ah, salamat sa ginisang hipon
na kung himbing ka'y mapapabangon
upang malasap ang sarap niyon

- gregoriovbituinjr.
04.30.2023

Walang komento:

Mag-post ng isang Komento

Pahimakas kay kasamang Rod

PAHIMAKAS KAY KASAMANG ROD (binigkas ng makatang gala sa pugay-parangal) sa iyo, kasama, pagpupugay sa pagpapatibay mo ng hanay sa adhikaing...