SA KUBO
dito ko napiling magpahinga sa kubo
at napagninilayan ang kung ano-ano
minsan naman, binabasa'y nabiling libro
hinggil sa paksang sipnayan at astronomo
kaysarap dito kaysa mainit na lungsod
na araw-gabi ay selpon, pindot ng pindot
pagtigil ko sa kubo'y nagbibigay-lugod
dinig ay kuliglig, di awtong humarurot
ang kubo'y talagang ginawa sa kawayan
kaya dama mo'y ginhawa pag nahigaan
baka rito'y lumusog ang aking katawan
sariwa ang hangin, maganda sa isipan
makasusulat dini ng maraming paksa
samutsaring danas na isinasadiwa
- gregoriovbituinjr.
07.25.2023
Walang komento:
Mag-post ng isang Komento