KAPE'T MONAY
almusal tayo, kalakbay
mainit na kape't monay
loob mo'y mapapalagay
nakakawala ng lumbay
mamaya pa magkakanin
ngayon pa lang magsasaing
wala pa ring uulamin
bibilhin pa'ng lulutuin
kape ko'y may cream at gatas
naisip kong pampalakas
bago man tayo lumabas
sa gutom ay di manigas
kape't monay sa umaga
palaman ay kwentuhan pa
saanman tayo papunta
tarang mag-almusal muna
- gregoriovbituinjr.
02.12.2024
Walang komento:
Mag-post ng isang Komento