RESERBADONG UPUAN
reserbado ang upuan
pang-espesyal o mayaman
marahil may katungkulan
o mukhang kagalang-galang
minsan, ganyan din sa buhay
may silya para kay nanay
o sa amang tumatagay
upang sila'y mapalagay
may upuan sa palasyo
nakalaan sa pangulo
pinag-aagawan ito
ng mga kuhila't tuso
may laang silya din kaya
para sa obrero't dukha
ito'y dapat maihanda
tungong lipunang malaya
- gregoriovbituinjr.
02.02.2024
Walang komento:
Mag-post ng isang Komento