TABAK ANG TULA
animo'y tabak ang tula
sa balat nakahihiwa
nakadudugo ng diwa
nakasusugat ng dila
armas iyang anong talim
laban sa burgesyang lagim
armas habang nasa dilim
ng sangkaterbang panimdim
armas ng makatang tibak
depensa ng hinahamak
ang nagniningas na tabak
ng salita at pinitak
bubunutin sa kaluban
ang tabak na hinasaan
para sa obrero't bayan
laban sa trapo't gahaman
- gregoriovbituinjr.
05.19.2024
Walang komento:
Mag-post ng isang Komento