AGARIKO - PINULBOS NA KABUTE
tanong: Siyam Pababa - Kabute pinulbos
aba, ewan ko, ang krosword muna'y tinapos
palaisipan muna'y sinagutang lubos
agariko pala ang kabuteng pinulbos
anang U.P. Diksiyonaryong Filipino
salitang Botanikal at Medikal ito
binebenta bilang gamot ang agariko
pumunta kang botika kung nais mo nito
ang agariko ba'y para ring penicillin?
na sa sugat ng isang tao'y bubudburin?
o ito'y ginawang tabletang iinumin?
o kaya'y kapsula itong dapat lunukin?
may nagsasabing sa tumor ito'y panlaban
pati sa cancer, heart disease, diabetes man
pampatibay ng immune system at katawan
ngunit wala pa raw syentipikong batayan
- gregoriovbituinjr.
07.11.2024
* krosword mula sa pahayagang Abante Tonite, Hulyo 8, 2024, pahina 7
* agariko - Botanikal, Medikal: kabute na pinulbos at ipinagbibili sa botika bilang gamot, mula sa U.P. Diksiyonaryong Filipino, pahina 17
* ilang nasaliksik na datos:
Walang komento:
Mag-post ng isang Komento