Lunes, Hulyo 22, 2024

Said ang utak ng makata

SAID ANG UTAK NG MAKATA

nasasaid din ang utak ko
kaya wala pang maitula
pakamot-kamot lang ng ulo
tila baga natutulala

di mapiga-piga ang utak
kahit rinig mong lumagitik
nais nang gumapang sa lusak
bakasakaling may pumitik

nakatanga lang sa kisame
animo'y nais kong magbigti
walang lumabas na mensahe
ako ba'y talagang may silbi

isang tula sa isang araw
ang puntirya ng aking pluma
nang may tumarak na balaraw
sa likod ko'y nakikinita

ipahinga muna nang saglit
ang pagod kong puso't katawan
at baka ako pa'y masagip
mula sa dulo ng kawalan

- gregoriovbituinjr.
07.22.2024

Walang komento:

Mag-post ng isang Komento

Sa laban lang tutumba kaming tibak na Spartan

SA LABAN LANG TUTUMBA KAMING TIBAK NA SPARTAN isang inspirasyon ang Spartan na si Eurytus di ang duwag na Spartan na si Aristodemus ginawa n...