Miyerkules, Disyembre 4, 2024

Tulok

TULOK

Una Pahalang, tanong ay TULOK
tila ba kaylalim na Tagalog
isip-isip, katugma ng TULOG
kaya Pababa muna'y sinagot

hanggang natanto ko't natandaan
sagot sa dating palaisipan
tila ba dumi sa tainga iyan
at nakita nga ang kasagutan

kahulugan ng TULOK ay LUGA
ah, nasagutan ko rin ng tama
dagdag-kaalaman sa salita
na magagamit din sa pagtula

kaya sa krosword, salamat muli
at itong utak ko'y nakabawi
palaisipan ay sadyang binhi
sa talasalitaan ng lahi

- gregoriovbituinjr.
12.04.2024

* palaisipan mula sa pahayagang Bulgar, Disyembre 4, 2024, pahina 11
sa

Walang komento:

Mag-post ng isang Komento

Mag-subscribe sa: I-post ang Mga Komento (Atom)

Sa dyip

SA DYIP ‎ ‎kapag nagbayad ako ng bente ‎imbes ang sukli ko ay siyete ‎susuklian ako ng nuwebe ‎dapat pamasahe ko ay trese ‎akala senyor na k...

  • AI chatbox, dahilan ng suicide? (Pangsiyam sa balitang nagpatiwakal)
    AI CHATBOX, DAHILAN NG SUICICE? (PANGSIYAM SA BALITANG NAGPATIWAKAL) Maikling sanaysay at tula ni Gregorio V. Bituin Jr. Ikasiyam na balitan...
  • Paglahok sa rali
    PAGLAHOK SA RALI bakit di ka pupunta sa rali? dahil lang wala kang pamasahe? kung ako, sisimulang maglakad nang makarating at mailadlad ang ...
  • Buti't may tibuyô
    BUTI'T MAY TIBUYÔ kulang ang pamasahe kahapon mula Cubao patungong Malabon upang daluhan ang isang pulong buti't nagawang paraan iyo...