Huwebes, Pebrero 13, 2025

Lasi

LASI

Tatlumpu Pahalang, ang tanong:
Pagtastas ng dahon sa buto
katanungang animo'y bugtong
pababa muna'y sinagot ko

LASI ang sagot na lumabas
sa diksyunaryo ay tiningnan
anong kahulugang nawatas
ano bang nakasaad diyan

uri ng kabibe rin pala
balakubak sa medisina
pagbiyak sa kahoy o tabla
gilagid sa anatomiya

tila malapit ang tanong sa
ikatlong kahulugan niyon:
pagbiyak sa kahoy o tabla
doon sa pagtastas ng dahon

bagamat magkaibang sadya
dagdag kaalaman sa diwa
kaya natanto kong salita
ay gagamitin sa pagkatha

- gregoriovbituinjr.
02.13.2025

* palaisipan mula sa pahayagang Abante, Pebrero 9, 2025, p.7
* sanggunian: UP Diksiyonaryong Filipino, p.681

Walang komento:

Mag-post ng isang Komento

Kasaysayan at lipunan ay pag-aralan

  KASAYSAYAN AT LIPUNAN AY PAG-ARALAN bayani nga'y nagbilin sa bayan: "matakot kayo sa kasaysayan walang lihim na di nabubunyag...