PUSONG GISING
anibersaryo ng unang kasal
binasbasan ng meyor ng Tanay
pampitong taon, ganyan katagal
sumpa'y magsasama habambuhay
nananatiling gising ang puso
at patuloy itong sumusuyo
tila puso'y kapara ng ginto
na pag-ibig ay di maglalaho
sa Araw ng mga Puso noon
nang dalawang puso'y sumang-ayon
na bigkisin sa iisang layon
ang pagsasama hanggang maglaon
anumang suliraning dumating
ang iwing puso'y di mahihimbing
araw man o gabi, pusong gising
itong patuloy na maglalambing
- gregoriovbituinjr.
02.14.2025
Walang komento:
Mag-post ng isang Komento