Miyerkules, Abril 9, 2025

Pagsulyap

nandito akong muli sa ospital 
dinadalaw siya pag visiting hours
at tinitigan ko na naman siya
ngunit di muna ako nagpakita

kagabi, nang siya na'y magkamalay
kinausap ko, nagpilit gumalaw
luha'y pumatak at nais yumakap
buti't nasalo, buti't di bumagsak

buti't siya'y agad kong naagapan
kaya ngayon ay nakatitig lamang
operasyon niya sa ulo't tiyan
kahapon ng hapon katatapos lang

ayoko muna siyang abalahin
dapat muna siyang pagpahingahin
ilang araw muna'y palilipasin
pag handa na, saka siya dalawin

- gregoriovbituinjr.
04.09.2025

Walang komento:

Mag-post ng isang Komento

Maraming trabahong nakabinbin

MARAMING TRABAHONG NAKABINBIN maraming trabahong nakabinbin na aking dapat talagang gawin tambak na deadline ang hahabulin pagdadalamhati ba...