SALAGINTO
niyayakap daw ako ni misis
dahil sa salaginto sa damit
na bihira nga raw na makita
sabi sa akin ng kanyang kuya
bagamat di ako maniwala
sa pamahiin, tila tulala
sa mga ikinwento sa akin
na kung totoo'y aking dadamhin
ito nga kaya'y pagpaparamdam?
baka halik ng pamamaalam?
may dalawang tulos ng kandila
parang kami, ako'y napaluha
dinalaw ng salaginto ngayon
upang marahil, may ibubulong:
ang pag-ibig ko'y lalaging buo
damhin mo't iya'y di maglalaho
- gregoriovbituinjr.
06.22.2025
Walang komento:
Mag-post ng isang Komento