Dante at Emong

DANTE AT EMONG

kapwa malakas daw sina Emong at Dante

tulad ba ng boksing nina Baste at Torre

aba'y katatapos lang ng Pacquiao at Barrios

may boksing na naman ba? o ito na'y unos?

halina't paghandaan, mga kababayan

at tayo'y huwag maging tagapanood lang

kung sinong malakas o kung sinong magaling

baha na ang maraming lugar at kaylalim

kayrami ngang sa boksing ay magkakalaban

sina Torre at Baste pa'y magsusuntukan

buti sina BBM at Trump, tila bati

habang sa taripa, ating bayan ay lugi

di magsusuntukan sina Dante at Emong

sila'y mga bagyong sa Pinas sumusulong

climate change na ito, nagbabago ang klima

climate emergency, ideklara! ngayon na!

- gregoriovbituinjr.

07.24.2025

* litrato ay tampok na balita (headline) sa pahayagang Pang-Masa, Hulyo 24, 2025