GUYABANO TEA
dahon ng guyabano
at mainit na tubig
paghaluin lang ito
nang lumakas ang bisig
at buo mong kalamnan
na ang lasa'y kaysarap
tanim lang sa bakuran
di na ako naghanap
guyabano na'y tsaa
inumin nang lumusog
paggising sa umaga
o bago ka matulog
tikman, guyabano tea
madaramang lalakas
at di ka magsisisi
kalusugan mo'y wagas
- gregoriovbituinjr.
10.06.2025
Walang komento:
Mag-post ng isang Komento