THERMOPYLAE - SA TARANGKAHAN NG APOY
noon, nakipagdigmaan kami
sa tarangkahan ng apoy, sabi
nila'y iyon daw ang Thermopylae
doon buhay nami'y nakaugnay
kabilang ako sa tatlong daang
mandirigmang tawag ay Spartan
sa matinding labanan bumagsak
upang pasibulin ang pinitak
sa lupaing ayaw na isukò
sa kaaway, dumanak ma'y dugô
lumaban at hinawan ang landas
tungò sa isang malayang bukas
kami ang mandirigma ng apoy
muling lalaban kaysa managhoy
para sa kapakanan ng lahi
para sa kagalingan ng uri
sa makabago mang Thermopylae
Eurytus akong lalabang tunay
upang palayain itong bayan
sa mapagsamantalang iilan
- gregoriovbituinjr.
10.25.2025
* mapa ng Thermopylae mula sa google
Walang komento:
Mag-post ng isang Komento