SAMPUNG PISONG BUKO
buti na lang, may sampung pisong buko
na araw-araw ay naiinom ko
imbes na soft drinks, lambanog o kape
sampung pisong buko pa'y mas maigi
pagkat pampalakas na ng katawan
ay mabuti pa sa puso't isipan
tubig ng buhay at nakabubuhay
lunas sa karamdaman, pangingimay
sampung pisong buko, napakamura
nagtitinda nito'y kapwa mahirap
h'wag sanang kunin ng kapitalista
baka dukha'y malugi sa sang-iglap
sampung pisong buko'y ating inumin
at magandang kalusugan ay kamtin
- gregoriovbituinjr.
11.27.2025
Walang komento:
Mag-post ng isang Komento