TARANG MAGKAPE
halina't magpainit, tara nang magkape
at magbalitaan ng magandang mensahe
natuloy ba sa dilag ang iyong diskarte?
magtataas na naman ba ng pamasahe?
patuloy pa rin ba ang kontraktwalisasyon?
manpower agencies ba'y linta pa rin ngayon?
na walang ginawa sa pabrika maghapon
habang kikita ng limpak sa korporasyon
bakit nademolis ang mga maralita?
papeles ba nila'y kulang? anong ginawa?
mahirap na'y pinahihirapan pang lubha
habang tuwang-tuwa ang nangamkam ng lupa
magkape na't pag-usapan ang mga isyu
at kung paanong sa masa uugnay tayo
paano pakilusin ang dukha't obrero
upang itayo ang lipunang makatao
- gregoriovbituinjr.
05.04.2023
Walang komento:
Mag-post ng isang Komento