ANG DAPAT MALUKLOK
katatapos lang ng bayan sa paggunitâ
sa anibersaryo ng Pag-aalsang Edsa
isang aral na nakita ko'y maging handâ
kung sakali mang mag-alsa muli ang masa
napagnilayan ko ang uring manggagawà,
maralita, kababaihan, magsasaka
mga inang dahil sa tokhang lumuluhà
ay, paano ba babaguhin ang sistema
kung ang Pag-aalsang Edsa'y muling mangyari
dapat dahil sa pagbabagong ating mithi
dahil ang mapagsamantala't mapang-api
ay dapat mawala't di na makapaghari
wasto lang na tunguhin nati'y tamang landas
kung saan wawakasan ang sistemang bulok
itatag natin ang isang lipunang patas
at mula uring manggagawa ang iluklok
- gregoriovbituinjr.
03.06.2025
Walang komento:
Mag-post ng isang Komento