LIMANG PISONG BAGOL
mulâ Cubao, lakad bago mag-Quezon City Hall
sa isang opis, tanging laman ng bulsa'y bagol
umabot na sa ganyan ang hirap kong nasapol
paano ba alpasan ang panahong kaysahol?
ngunit ako'y patuloy pa ring naninindigan
na kahit ganito, ako'y tibak na Spartan
na di magigiba ng anumang karukhaan
ang kalooban kong pinatigas ng labanan
anong gagawin ng loob na naghihimagsik
lalo na't tumututol sa giyerang mabagsik
bawat gunita't danas ay aking tinititik
ako'y di bibigay ibitin mang patiwarik
limang pisong bagol man ang natira sa bulsa
ito'y mapapalago rin, ako'y umaasa
mandirigmang Spartan kaming lingkod ng masa
kumilos upang kamtin ang asam na hustisya
- gregoriovbituinjr.
03.26.2026
Walang komento:
Mag-post ng isang Komento